ინსტიტუტის საქმიანობის მიზნებია

განათლების ხელმისაწვდომობის დონის  გაზრდა საქართველოში, რაც დღევანდელი ეკონომიური პირობებში მეტად დაბალია.უმაღლესი განათლება  ძვირია და მოსახლეობის უმრავლესობისათვის არ არის ხელმისაწვდომი.ჩვენი მიზანია ონლაინ სწავლების ანუ დისტანციური სწავლების საშუალებით მივცეთ შესაძლებლობა ახალოგაზრდა თაობას მთელი საქართველოს მასშტაბით მიიღოს უმაღლესი განათლება და სათანადო სერტიფიკატი, რომელიც საქართველოს კანონმდებლობით უტოლდება დიპლომს

ფართო საგანმანათლებლო და სამეცნიერო საქმიანობის განვითარება საქართველოში შვედეთის უმაღლეს სასწავლებლებთან მჭიდრო კონტაქტში;

განსაკუთრებული ყურადღების მიქცევა მულტიკულტურული ფაქტორისათვის და მიგრაციის, კონფლიქტისა და გენდერის საკითხების კომპლექსური შესწავლა და საგანმანათლებლო პროგრამების განხორციელება;

შვედეთის ფართო საზოგადოების გაცნობა
- მიმდინარე  პოლიტიკურ-ეკონომიკურ სიტუაციასთან საქართველოში, საერთო კონფერენციებისა და სხვა და სხვა სკოლების ორგანიზებით; გაზეთებისა და ჟურნალების დაფუძნებითა და გამოცემით;  საერთო ღონისძიებების ჩატარებით.

- ქართულ კულტურასთან, ფოლკლორთან, მუსიკასთან - კამერულ, სიმფონიურ, საესტრადო (როგორც ცოცხალი შესრულებით ანუ შემსრულებლების გასტროლებით, აგრეთვე აუდიო და ვიდეო ჩანაწერებით, დისკებით და ა.შ.);

- ქართულ ლიტერატურასთან, პოეზიასთან, სახვითი და გამოყენებით ხელოვნებასთან, ქორეოგრაფიასთან, ეროვნულ ტრადიციებსა და ყოფასთან.

 საქართველოს ფართო საზოგადოების გაცნობა
- შვედეთის ფოლკლორთან და პროფესიულ მუსიკასთან: კამერულ, სიმფონიურ, საესტრადო, (როგორც ცოცხალი შესრულებით, ანუ შემსრულებლების გასტროლებით, აგრეთვე აუდიო და ვიდეო ჩანაწერებით, დისკებით და ა.შ.);

- შვედეთის ლიტერატურასთან, კინოხელოვნებასთან, სახვითი და გამოყენებით ხელოვნებასთან, ქორეოგრაფიასთან, ეროვნულ ტრადიციებსა და ყოფასთან; აგრეთვე თანამედროვე  შვედეთის პოლიტიკურ -ეკონომიკური განვითარების საკითხებთან, განათლებისა და ჯანდაცვის სისტემებთან,სოციალური უზრუნველყოფისა და გენდერული თანასწორობის საკითხებთან;

 პარტნიორობა საქართველოსა და შვედთის სხვადასხვა საგანმანათლებლო და კვლევით ინსტიტუტებთან, აგრეთვე არასამთავრობო ორგანიზაციებთან;

შვედეთისა და საქართველოს ისტორიული კავშირების შესწავლა;

სხვადასხვა პროექტების განხორციელებით ხელისშეწყობა საქართველოში ტურიზმის განვითარებისათვის განსაკუთრებით შვედებისა და სკანდინავიის სხვა ქვეყნების წარმომდგენლებისათვის;

შვედური ტრადიციებისა და ხელოვნების ცენტრის შექმნა;

 ქართველ და შვედ ინვესტორთათვის ხელსაყრელი პირობებისა საინფორმაციო ბანკის შექმნა.

ახალი მიმართულებების განსაზღვრა და ჩამოყალიბება, ახალი ერთობლივი პროექტებისა და პროგრამების დამუშავება.